Introduksyon

Isang estudyanteng nag-aaral sa isang pampublikong paaralan. Mababa ang profile. Singkit, morena't mayroong hindi magagandang katangian.

Isa ata akong klaseng hindi nagugustuhan.

Madaldal, mayabang, masyadong gandang ganda sa sarili't masungit.

Mukhang wala na akong pag-asa sa mundo ng pagkakaibigan.

Hindi naman ako maganda. Hindi rin ako sikat na babae. Sabihin na lang nating isa akong tipikal na estudyante sa mundong 'to na puno ng may matataas na ekspektasyon.

Isang lalaki lamang ang tinitingala ko. Nabubuhay man siya sa mundo ko ay hindi ako makakapasok sa napakagwapo niyang mundo.

Clark Avriel Rene Lavorre. Tinatawag din na Ginoong Carl o Ginoong Lavorre. Ang tanging lalaking nagpapaningning ng aking mga mata.

Nakalimutan ko pa lang magpakilala. Ako pala si Binibining Zairah Rivera, at maligayang pagdating sa nakakainip kong storya.