Reserba ng mga Saint Stone

"Ako'y aalis upang hanapin si Martial Emperor Ling Xuan upang bawiin lahat ng mga Saint Stone na naipanalo mo para sa kanya." Handa nang umalis si Han Xue Nai sa lugar na iyon noong nagsalita siya.

"Xue Nai, nagkakamali ka." Agad na tumugon si Duan Ling Tian at napigilan niya ito agad. "Totoo na ako ang nanalo sa Hidden Fog Martial Competition tatlong araw na ang nakalilipas, ngunit ibinigay sa akin ng Martial Emperor ang lahat ng Saint Stone na aking napanalunan. Sampu ang lahat ng ito. Walang labis, walang kulang."

"Kaibigan ko siya. Bago pa man ako makarating sa Hidden Fog Island ay batid ko na na ang pinakamagandang gantimpala na ibibigay ng Hidden Fog Martial Competition ay ang mga Saint Stone." Ani ni Duan Ling Tian, "Ako'y lumahok sa kompetisyon para lamang sa mga Saint Stone."