Nagdadalang tao si Mo Yurou

Nang marinig niya na ipahayag ng host ang kanyang pangalan, tumayo si Tangning sa kanyang kinauupuan. Hawak niya sa kanyang kamay ang listahan ng mga taong makakatanggap ng parangal, lumakad siya papunta ng entablado ng elegante habang pinapanood ng lahat. Sinadya niyang iwasan si Li Yu habang lumalakad sila patungo sa likod ng mikropono at tumayo sa harap ng screen

Sa ibaba ng entablado, mayroong karagatan ng mga bituin; ang lahat ng pinakamaiinit na modelo ng Beijing ay nagtipon – tipon sa bulwagang iyon. Dahil sa nagkaroon siya ng pagkakataon na makatayo sa ganoong kataas na posisyon, napagtanto ni Tangning, bilang isang modelo, napakaraming dugo at pawis pa ang kailangan niyang gugulin upang marating ang kinatatayuan ng mga modelong kaniyang tinitingnan ngayon.