Ipupusta Ko Na Ang Babaeng Iyon Ay Mahihibang

Hindi nagtagal dumating na ang kasukdulan ng seremonya: ang best actor/actress award … sa pagkakataon na ito, dahil si Tangning ay wala roon, ang mga natitirang apat na nominado ay talaga namang nakaramdam na mayroon silang pagkakataon...

Lalo na si Feng Jing!

Ipinakilala ng host ang guest presenter habang lumingon naman si Lin Qian para tingnan si Feng Jing. Napansin ni Lin Qian na ang mga kamay nito ay nakakuyom ng mahigpit. Mula sa nakikita niya, ito ay labis na kinakabahan.

Gayunpaman, mapayapang tumingin muli si Lin Qian sa entablado at ngumisi.

Hindi nagtagal, ang mga sample ng ginawa ng mga nominado ay ipinakita sa malaking screen. Nang ang footage ng 'Survivor' ni Tangning ay nagsimulang ipakita, ang lahat ay nagsimulang magpalakpakan ng malakas.

Dahil, nauunawaan ng lahat na kahit na hindi na umaarte si Tangning, ang kanyang mga ginawa ay magtatagal ng panghabang buhay at walang sinuman ay maaaring makapagpalit sa kanya.