Grupuhang Panlilibak

Binuka ni Ma Weiwei ang kanyang bibig na may intensyon na makipagtalo pabalik, ngunit kaagad niyang naalala ang kanyang pangalan. Kailanman ay hindi niya maaaring kalabanin sa publiko ang American producer pwera na lamang, syempre, kung ayaw na niyang magtagal sa entertainment industry.

Kaya, kahit pa siya napahiya, ang tangi lamang niyang magagawa ay tanggapin ito. Sa parehong pagkakataon, pinagpatuloy pa rin niya ang paglalakad ng nakataas ang dibdib habang nililisan ang audition room.

Ang kanyang manager ay kaagad na tumakbo palapit at masayang nagtanong, "Kamusta ang iyong ginawa?"

Ang lahat ng nasa kanilang paligid ay pinatalas ang kanilang mga tenga habang nakatingin ng nanghahamak. Alam nilang lahat na kung si Ma Weiwei ay talagang matatanggap, ang pelikulang Amerikano ay magbabalik ng tatlumpung taon.

Ngunit, kailangan ni Ma Weiwei na panatilihin ang kanyang pride…

"Sinabi ng director na ako ay hindi naman masama…"