Chapter 551

Isang malakas na pag-sugod ang ginawa ng binata habang hindi nito ipiankita ang pag-aalinlangan na nararamdaman nito kanina. Kailangan niyang lakasan ang poob upang mapaslang ang spiritual form ng nilalang na ito.

Hindi siya maaaring magkamali lalo pa't alam niyang hindi na isang buhay ang nilalang na ito. Kung titingnang mabuti ay tila mapusyaw ang buong pangangatawan nito habang ang bandang siko nito ay halatang hindi na kompleto dahilan upang maging senyales na ito na kailangan niyang paslangin ang masamang piratang ito lalo pa't sa bandang braso ng nasabing piratang ito ay may simbolo ng isang demon tribe.

Ngunit tila napansin naman ng nasabing pirata ang pag-atakeng gagawin ng binatang bigla na lamang sumulpot sa lugar niya ang gagawin nito.

"Ano'ng gagawin mo binata? Gagawa ka ng pamamaraan upang paslangin ako? Hindi mo magagawa iyon dahil isa akong napakalakas na nilalang. Sa sobrang tagal kong nabubuhay rito ay ngayon lamang ako nakakita ng nilalang na gusto akong paslangin!" Nagtatakang tanong ng nasabing pirata habang nagyabang pa ito sa huli ngunit hindi nito napansing isa na pala siyang spiritual form at matagal na siyang napaslang. Tanging ang natirang spiritual energies nito ang nagsisilbing enerhiya upang magkaroon siya ng katawang tila kompleto ngunit hindi ito aware sa mga nangyari hudyat na ang ilan sa mga memprya nito ay nawala lalo na ang memoryang huling nangyari bago ito napaslang ng kung sinumang nakapaslang sa kaniya.

"Narito ako upang paslangin ka. Pasensyahan na lamang tayo Ginoo." Direktang sambit ni Wong Ming habang kitang-kita ang labis na determinasyon sa mukha nito.

Isang espada ang bigla na lamang lumitaw sa kamay ni Wong Ming habang kitang-kita ang asul na liwanag na nagmumula rito.

Walang pag-aalinlangan itong inihagis patungo sa kinaroroonan ng nasabing spiritual form ng yumaong pirata.

"Ikaw ang mamamatay binata. Hindi mo ko mapapaslang. Isa ka lamang ordinaryong nilalang na nasa Golden Blood Realm Expert hmmp!" Mapang-uyam na wika ng nasabing nilalang sa pangalawang pagkakataon at mabilis na itinutok ang kanang kamay nito sa mismong espadang bumubulusok sa ere patungo sa kaniya.

Sa isang iglap ay nakita na lamang ni Wong Ming na biglang napahinto ang espadang pinalabas niya kanina at walang ano-ano pa ay bigla na lamang itong nalaglag sa lupa.

"Hindi maaari ito! Akala ko ba ay patay na ang nilalang na ito ngunit bakit ang lakas niya pa rin?! Imposible!" Sambit ng binatang si Wong Ming sa kaniyang sariling isipan niya lamang habang kitang-kita ang labis na pagtataka sa pangyayaring ito. Yumao na ang nilalang na ito ngunit napakalakas pa rin at may itinatagong lakas pa rin ito.

"Bakit ka napatigil binata? Natakot ka na ba sa maaari kong gawin sa iyo?! Wag kang mag-alala dahil hindi magiging masakit ang pagkamatay mo maya-maya lamang!" Sambit ng nasabing pirata at mabilis na ikumpas ang kanang kamay nito. Sa isang iglap ay biglang namuo ang isang hugis espadang gawa sa tubig.

Walang pag-aalinlangan nitong ipinabulusok patungo sa kinaroroonan ni Wong Ming.

Napangisi na lamang si Wong Ming dahil agad niyang napansin ang tila kakayahan ng nilalang na ito.

Sa wari ng binata ay may kakayahan ang nasabing nilalang na ito na Kumontrol ng tubig at ginamit nito ang nasabing elemento sa paligid nito upang masundan ang paunang atake niya kanina. Pansin niya ang gahiblang tubig na kumapit sa kaniyang paunang atake kanina ngunit iyon ay dahil may abilidad pala ito patungkol sa tubig.

Hindi naman nagpatalo sa takot si Wong Ming sa kadahilanang malakas ang nasabing masamang piratang nakaharap niya ngayon. Kahit gaano pa ito kalakas noong nabubuhay pa ito ay alam niyang hindi na ito kagaya dati na may mortal itong katawan.

Walang pag-aalinlangang ginamit ni Wong Ming ang sarili niyang spiritual weapon na Sword Needle. Sa pagkakataong ito ay ibang elemento ang ginamit niya, ang mortal na kaaway ng tubig, ang elemento ng apoy!

Sa isang iglap ay lumitaw ang isang mahabang espadang pagmamay-ari ni Wong Ming at pinabulusok din sa direksyon kung saan patungo sa kaniya. Kailangan niyang gumawa ng pamamaraan upang protektahan ang sarili at atakehin ang masamang piratang ito na kaharap niya ngayon.

BAAAAAHHHH!

Nagtama sa gitna ng ere ang nasabing dalawang magkaibang uri ng espadang gawa ni Wong Ming at ng mismong spiritual form na lamang na pirata.

Ngunit parang naupos na kandila lamang ang nasabing atake ng masamang pirata dahil naglaho bigla ang atake nito nang magtama sa spiritual weapon ni Wong Ming na nag-aapoy.

"Hindi maaari ito! Hinding-hindi ako matatalo sa iyo binata!" Sambit ng nasabing pirata habang mabilis itong nagwala sa lugar na ito.

Kitang-kita ni Wong Ming na bago pa man tumama sa kinaroroonan ng nasabing pirata ay tila ba lumitaw ang kakaibang harang na gawa sa tubig at na-stock ang nasabing sword needle niya.

Napansin ni Wong Ming na kakaiba ang nasabing harang na pumoprotekta sa kalaban niya. Even his spiritual weapon cannot penetrate a shield. Isa lamang ang naiisip ni Wong Ming, isang water type cultivator ang kalaban niya.

Isa kang hangal binata. Kung inaakala mo na mapapaslang mo ako ay nagkakamali ka. Isa ako sa miyembro ng Ancient Water Demon Tribe, hinding-hindi mo ko mapapaslang hehehe!" Pagpapakilala ng nasabing pirata sa pinagmulan nitong tribo.

Nanlaki naman ang mga mata ni Wong Ming nang marinig niya ang mga katagang ito mula sa nilalang na ito. Isang miyembro ng malakas na sinaunang tribo pala ang kalaban niya kaya natural na rito ang mabigyan ng proteksyon ng tubig. Those who could transform theirselves into a water demon, they can automatically protect by water present in theur surroundings dahil na rin sa panganib na nararamdaman ng nasabing pirata.

Ngunit napangisi bigla si Wong Ming na siyang agad namang napansin ng nasabing pirata.

"Ano'ng nginingiti mo binata?! Hindi ka pa rin tumitigil sa pag-atake sa akin?! Hindi ka magtatagumpay sa anumang bagay na nais mong isiping ipang-atake sa akin!" Malakas na saad ng nasabing pirata habang makikitang may pagkamaangas ito. Halatang minamaliit nito si Wong Ming na siyang binatang tinutukoy nito.

"Iyon ay dahil nagkakamali ka ng iyong inaakala masamang pirata. Kaya paalam!" Sambit ni Wong Ming habang makikitang nagliwanag ang dalawang kamay nito at biglang uminit at nabalutan ng sobrang init ang nasabing sword needle niya.

Walang ano-ano pa ay bumubulusok sa bandang puso mismo ng nasabing masamang pirata ang mapangahas at hindi inaasahang pag-atake ni Wong Ming dahilan upang tuluyan itong napinsala ni Wong Ming.

"Hindi! Hindi maaari ito! Pagbabayaran mo ito binata!" Huling katagang binitawan ng masamang piratang nanggaling daw sa Ancient Water Demon Tribe habang makikitang unti-unting nagkaroon ng hiwa-hiwa na kulay asul na liwanag ang buong katawan nito.

BANG!

Malakas na sumabog ang buong katawan nito habang makikitang may lumulutang na mga maliliit na kulay asul na hugis bolang bagay sa ere.

Walang pag-aalinlangan itong pumasok sa iba't-ibang parte ng katawan ni Wong Ming habang kitang-kita ang panlalaking muli ng mga mata ng nasabing binata.