1 Prologue

"I want to offer another project for you Engr. Laxamana but this is not as big as your past projects. I heard you talking to Engr. Yadao about wanting a smaller project this time to rest a bit. I want you to review the project and give your answer as soon as possible."

Nakita ko sa labas ng folder na inabot niya ang lugar nila.

"I will take it, Sir."

Binisita ko ang lugar kung saan ipinapatayo ang bagong building sa elementary school sa kanila. I look around feeling nostalgic. Dito siya nagtapos ng elementary bilang valedictorian, dito niya sinimulan ang kanyang mga pangarap. I wish that she's now fulfilling all of them now. Maliit lang ang barangay nila kaya hindi na ako magtataka kung may makita akong kamag-anak o mga kaibigan niya. It was eight years, walong taon na ang nakalipas pero siya pa rin, wala pa ring pumapalit sa pwesto niya sa puso ko. Ang hirap niyang kalimutan kasi sa tuwing may gagawin ako palagi ko lang siyang naaalala.

Sa sumunod na Lunes ang groundbreaking nang project na tinanggap ko dahil nagbabakasakali akong makita ko siya doon.

"Sabi mo ayaw mong tumanggap ng project kapag malayo ang lugar sa kabihasnan pero anong nangyari?" Kulit sa akin ni Engr. Navarrete.

"There is always a first time, Macky. I just want to try something new."

Nakarating na kami sa elementary school kung nasaan ang project namin. May nakita akong puting Ford malapit sa hilagang gate ng school na tumigil. Hindi ba marunong mag-park ang may-ari ng sasakyan ng maayos. Bumaba ang may ari ng sasakyan at nagulat akong siya ang nakita ko. Ang babaeng minahal ko at patuloy ko pa ring laman ng puso ko kahit nakalipas na ang maraming taon. Nakatayo lang siya roon tinatanaw ang mga batang inaayos ang mga sarili para sa flag ceremony. Lumabas na din ako ng sasakyan ko at humakbang papunta sa malapit sa gate para makita niya ako.

Natapos na ang flag ceremony ng mga bata kaya sumakay na siya sa sasakyan at paalis na siya pero nakaharang pala 'yung sasakyan ko kaya huminto siya at binaba ang bintana ng kanyang sasakyan at sumigaw,

"Excuse me, Mister. Can you move your car?"

Lumingon ako at nakita ko ang gulat na dumaan sa kanyang mukha.

"Hello Ailyn Joyce, long time no see."