Polaris

Bunso ang labing-apat na taong gulang na si Emeraldine sa anim na magkakapatid ng kanilang pamilya. Ngunit ang apat na nakatatanda lamang ang nakilala niya sa paglaki. Ito ay bunga ng paglayas ng kanilang panganay noong siya ay apat na taong gulang pa lamang. Kaya naman lubos na ikinagulat niya nang makita ang kapatid na iyon isang araw makalipas ng sampung taon sa harap ng kanilang tahanan. Ngunit hindi niya ito nagawang kausapin. Ang tanging naabutan niya ay ang isang kahon sa harap ng tinayuan ng dalagang iyon. Isang kahon na naglalaman ng napakaraming pera. Napuno si Emeraldine ng tanong at kuryosidad. Iyon ang simula ng kaniyang pagkasabik at kagustuhang makilala ang panganay na kapatid na sa nakalipas na dekada ay hindi napag-uusapan sa kanilang tahanan. Upang punan ang nararamdaman at isipan, sinimulan niyang hanapin ang dalagang iyon...