Divorce and Remarry

Chapter 1479: Makipaghiwalay At Ikasal Uli

"Hindi ko talaga naisip na sasabay ang kasal ko sa event ni Ning Xi… Sorry po…" Sinisinok si Ning Xueluo habang umiiyak para magmukhang nakakaawa. 

Eh di bakit sila nagkataong nagsabay? At ganoon pa kapait ang nangyari? 

Naisip ng dalawang pamilya ang mga katanungang ito, lalo na si Zhuang Lingyu. Sa sobrang galit niya ay napamura pa siya, "Ang bruhang iyon, halata namang sinadya niya ito!" 

Kahit ano pa man ang totoong nangyari, hindi na iyon mahalaga. Ang importante ay mabilis na maayos ang mga bagay. 

Matapos mag-isip ng matagal, huminga ng malalim si Su Hongguang at sinabi, "Mamaya na lang natin pag-usapan ang ibang bagay. Su Yan, dalhin mo sa labas si Su Ning Xueluo para sa toast!" 

Inakbayan ni Su Yan si Ning Xueluo at sabay silang lumabas. 

Inalo ni Ning Yaohua si Zhuang Lingyu para lumabas at harapin ang mga bisita.