Lu Jinnian, Buntis ako (9)

Zhao Meng: [Qiao Qiao, sana magtagumpay ka na!]

Assistant ni Lu Jinnian: [Miss Qiao, kaya mo yan!]

Zhao Meng: [Qiao Qiao, sana kasama mo na si Mr. Lu pag balik mo!]

Assistant ni Lu Jinnian: [+1]

Habang binabasa ni Qiao Anhao ang mga messages ni Zhao Meng at ng

assistant, hindi niya mapigilang maantig sa sobra sobrang suporta na ibinibigay

ng mga ito. [Salamat] Nagreply siya sa pinaka huling pagkakataon bago niya

tuluyang patayin ang kanyang phone.

Pumikit siya at sumandal sa upuan. Kinapa niya ang kanyang bulsa at

hinawakan ng mahigpit ang maliit na kahon na nasa loob nito at hindi nagtagal,

unti unti siyang kumalma. Pinangako niya sa sakanyang sarili na hinding hindi

siya uuwi ng hindi kasama si Lu Jinnian.

　-

Pagkatapos ng labinlimang oras na byahe, sa wakas lumapag na ang

eroplanong sinasakyan nina Lu Jinnian at Qiao Anhao sa Los Angeles,

America.

Bukod sakanyang phone, wallet at passport, wala ng ibang dala si Qiao Anhao

kaya wala na hihintayin na kahit anong maleta. Dahil dito, nagmamadali siyang

naglakad palabas ng economy section.

Noong oras na nagbook ang assistant ni Lu Jinnian ng ticket para kay Qiao

Anhao, naubusan na ng upuan sa business class, kaya sa economy class

nalang siya pwedeng umupo. Noong nakarating na siya sa pagitan ng economy

at business class, bigla siyang pinigilan ng air stewardess at sinabi, "Sorry

Miss, kailangan mo munang hintayin na makalabas ang lahat ng passenger sa

business class bago ka makalabas."

Kahit na mahina lang ang boses ng air stewardess, malinaw pa rin itong narinig

ni Lu Jinnian, na kasalukuyang nagaayos ng kanyang mga gamit. Napatingin

siya sa kausap nito at nang makita niya si Qiao Anhao, wala siyang naging

anumang reaksyon na para bang wala siyang pakielam dito at nagpatuloy lang

siya sa paghila ng kanyang maleta palabas ng eroplano.

Noong makababa na ang lahat ng pasahero sa business class, ngumiti nag

stewardess kay Qiao Anhao at sinenyasan siyang umabante na, "Miss, pwede

ka ng bumaba."

Hindi pinansin ni Qiao Anhao ang air stewardess at mabilis siyang naglakad

palabas ng pintuan. Nang makapasok na siya sa airport, nagmamadali siyang

nag'tingin tingin sa paligid. Sakto, nakita niyang paliko si Lu Jinnian sa

kaliwang isle kaya hindi na siya nagdalawang isip pang habulin ito.

Hindi niya alam kung matatawag itong nagkataon lang o itinadhana talaga ang

lahat pero sa tuwing nawawala si Lu Jinnian sa paningin niya, nakikita rin ito

kaagad – Noong nakita niya itong pumara ng taxi, nagmamadali rin siyang

pumara ng masasakyan niya!

Walang ideya si Qiao Anhao kung saan siya pupunta, kaya sinabihan niya

nalang ang driver ng sinasakyan niya na sundan ang sinasakyan ni Lu Jinnian.

Tanghaling tapat sa Los Angeles kaya bihira lang ang mga sasakyang

bumabyahe sa mga kalsada. Magkasunod na dumating ang dalawang taxi sa

tapat ng isang hotel na nasa may puso ng siyudad.

Pagkababa ni Qiao Anhao ng taxi, kasalukuyang kinukuha palang ni Lu Jinnian

ang maleta nito mula sa likod ng taxi na sinakyan nito. Dali dali siyang

nagbayad sa taxi at sinundan ito papasok sa hotel.

Nag'check in si Lu Jinnian sa isang presidential suite, kaya ginamit niya rin ang

kanyang identity card para makapag'check in sa isa pang presidential suite.

Pareho silang gumamit ng card bilang pambayad kaya pareho din nilang

kailangang pumirma sa resibo. Sabay silang napatingin ni Lu Jinnian sa isang

ballpen na nakalapag sa front desk at hindi nila inaasahan na aksidente silang

magkakahawak ng kamay nang sabay nilang kunin ang ballpen.

Nanlaki ang mga mata ni Qiao Anhao at napatingin siya kay Lu Jinnian, pero

hindi man lang siya tinignan nito, bagkus, walang emosyon nitong inalis ang

kamay nito at kinausap ang staff ng diretsong English para humingi ng isa pang

ball pen. Pagkatapos pumirma at magbayad ni Lu Jinnian, walang

pagdadalawang isip nitong hinila ang maletang dala nito at naglakad papunta

sa elevator.

Ayaw palampasin ni Qiao Anhao ang pagkatataon kaya nagmamadali siyang

naglakad para habulin ito.