25 Chapter 25

MASAMA ang pakiramdam ko hindi dahil may sakit ako kundi dahil nasasaktan ako sa pinapakita ni Robi. Bukod sa nalaman kong pumayag siya na gawin akong girlfriend ng Rance Abellano na iyon kapalit ng pera, hindi man lang niya ako magawang kumustahin. Isang buong araw ang lumipas pero walang kahit isang text lang.

Huminga ako ng malalim saka binitbit ang bag ko. Kakatapos lang ng oras ko sa trabaho at balak kong uminom sa bar ngayon. Ewan ko ba. Nasasaktan talaga ako at wala akong ibang maisi na gawin kundi ang umasa sa alak para kahit papaano, hindi ko na muna siya isipin.