Unang hakbang papalayo sa nakaraan
Dulot sa'kin ay labis na kalungkutan
Hakbang tungo sa bagong berso
Mula sa hindi naintindihan na mundo.
Mundong puno ng panghuhusga
At sa inosenteng lungkot ang nadarama
Kaya sinimulan ko ng humakbang
Papalayo sa lungkot na nakaraan.
Nakaraang nasaktan ako ng lubusan
At gusto ko ng kalimutan at hindi na babalikan
Unang hakbang, ginhawa ang aking naramdaman
Paglimot sa sakit na nakaraan.
Bagong pagkatao ang nalampasan
Ng dahil sa hakbang aking sinimulan
Unang hakbang papalayo sa nakaraan
Dulot sa'kin ay labis na kalungkutan.
Sinimulan ko ng ngumiti
Sa nakasimangot kong mga labi
Kinalimutan ko na ang sakit
Nakaraang puno ng poot at galit
Ngunit may mantya parin sa isip
Nandoon parin ang lungkot sa isip
Mahirap kalimutan ang nakaraan
Lalo na't masaya ang pinagsamahan.
Pinagsamahang tumatak sa aking isipan
Isipang puno ng alaala sa nakaraan
Nakaraang sumaya't nasaktan ng lubusan
Sapagkat halo-halong emosyon ang naramdaman.
Unang hakbang papalayo sa nakaraan
Dulot sa'kin ay labis na kalungkutan
Hakbang tungo sa bagong berso
Mula sa hindi maintindihan na mundo.